Сардэчна віншую вас з радасным і поўным духоўнага зместу святам – Нараджэннем Хрыстовым! Яно нясе з сабой цеплыню і спакой, надае сэнс жыццю і напаўняе яго нязгасным святлом веры, надзеі і любові. Яно натхняе нас на маральнае ўдасканальванне і самаадданае служэнне блізкім.
У гэтыя святочныя і радасныя дні жадаю, каб вашы сэрцы адкрыліся для шчодрасці і міласэрнасці, гармоніі і паразумення – усяго таго, што неабходна для шчасця. Моцнага вам здароўя, міру і дабрабыту, непахіснай веры ў вечную сілу дабрыні і справядлівасці, надзеі на тое, што цяперашнія выпрабаванні для нас часовыя, а самае лепшае – наперадзе, і ўсе запаветныя жаданні і мары збудуцца.
Няхай свята падорыць вам цудоўны настрой, цяпло сямейных зносін, прыемныя падзеі ў асабістым жыцці і ў лёсе нашай Радзімы!
Алег СЕМЯНЧУК,
дэпутат Палаты прадстаўнікоў Нацыянальнага сходу Рэспублікі Беларусь сёмага склікання
